ჩვენი შეცდომაა, რომ რომელიმე პენიტენციურ დაწესებულებაში არ გაიხსნა ბოროტების მუზეუმი - ბრეგაძე

იუსტიციის მინისტრი რატი ბრეგაძე თვლის, რომ "ოცნების" მმართველობის ერთ-ერთი შეცდომა, 2012 წლის შემდეგ, რომელიმე პენიტენციურ დაწესებულებაში "ბოროტების მუზეუმი" არგახსნაა. ამის შესახებ მან პარლამენტში ისაუბრა.

"იცით რაში არის ჩვენი შეცდომა, კიდევ ერთი? რომ 2012 წლის შემდგომ რომელიმე პენიტენციურ დაწესებულებაში არ გაიხსნა ბოროტების მუზეუმი. ეს არის „ქართული ოცნების“ ერთ-ერთი მთავარი შეცდომა..რომ მომავალ თაობებს ენახა, როგორც დღეს „კონცლაგერების“ ნახვა არის შესაძლებელი. ეს შეცდომა დავუშვით ჩვენ. დღეს, სწორედ, ამიტომ ვიღებთ პასუხად... ბედავენ იმ კითხვის დასმას, რომ ვინმეს აწამებენ. რა არის წამება? ის, როდესაც ყველა მისი [სააკაშვილის] უფლება არის დაცული?! როდესაც სტრასბურგის სასამართლომ საქმე შეწყვიტა, იმიტომ, რომ არაფერი მანდ არ იყო სანახავი. ეს არის წამება?! 1500 ვიზიტორი? VIP-პალატაში განთავსება არის წამება? გაიხსენეთ, როგორ ექცეოდნენ სხვებს. მისი [ მიხეილ სააკაშვილის] რომელი უფლება არის დარღვეული? აბა თქვით, რომელიმემ კონკრეტული უფლება" - თქვა ბრეგაძემ.