სკანდალი! ვინ აპირებს გვარამიას და პაპუაშვილის პირადი ცხოვრების ამსახველი ვიდეო-ფოტო მასალის გამოქვეყნებას?!

საქართველოს საკონსტიტუციო სასამართლოს თავმჯდომარემ, გიორგი პაპუაშვილმა, კურიერის ეთერში სკანდალური განცხადება გააკეთა.

მისი თქმით, ხელისუფლება გეგმავს, მასზე ზეწოლის ახალი ტალღა დაიწყოს და უცხოეთიდან მისი საუბრების ფარული ვიდეოჩანაწერები გამოაქვეყნოს. 

„ახალი ტალღა იწყება ზეწოლის. როგორც გუშინ შემატყობინა კონფიდენციალურმა წყარომ, თითქოს აპირებენ ჩემს შესახებ ფოტო და ვიდეომასალის გამოქვეყნებას, სადაც რაღაც უღირს გამონათქვამებს ვამბობ. ბატონი მინისტრი მათ გამოქვეყნებას დაჟინებით ითხოვს და მას შიდა პოლიტიკური ხელმძღვანელობა ეწინააღმდეგება,“ - განაცხადა პაპუაშვილმა.  

რუსთავი 2-ის გენერალური დირექტორი აღნიშნულ საკითხთან დაკავშირებით სოციალურ ქსელში პოსტს აქვეყნებს, რომელსაც უცვლელად გთავაზობთ.

"კონფიდენციალურმა წყარომ მაცნობა, რომ ჩემი (გიორგი პაპუაშვილის) პირადი ცხოვრების ამსახველი ვიდეო და ფოტო მასალის გამოქვეყნებას აპირებენ. განსაკუთრებით აქტიურობს იუსტიციის მინისტრი წულუკიანი და მოითხოვს ამ მასალების გასაჯაროებას." (c) საკონსტიტუციო სასამართლოს თავმჯდომარე გიორგი პაპუაშვილი ამ წუთებში აცხადებს რუსთავი 2-ის პირდაპირ ეთერში.
შანტაჟისტი პერვერტი ვუაიერისტების მთავრობა, რომელიც ქვეყნის უმაღლეს მოსამართლეს ფარულად უღებს და აშანტაჟებს. პორნოგრაფია არა და ეს მთავრობა ნამდვილად უნდა ამოვიღოთ სამოქალაქო ბრუნვიდან.
ps პირადი ცხოვრება აუცილებლად სექსს არ ნიშნავს", - წერს ნიკა გვარამია.