მოგმართავთ გაათავისუფლოთ სააკაშვილი ჰუმანიტარულ საფუძველზე - ფოტიგა ზურაბიშვილსა და ოცნებას

ევროპარლამენტარი ანა ფოტიგა მიმართავს საქართველოს პრეზიდენტსა და ქართულ ოცნებას მიხეილ სააკაშვილი პატიმრობიდან გაათავისუფლონ.

როგორც ფოტიგამ სტრასბურგში გამართულ პრესკონფერენციაზე აღნიშნა, მესამე პრეზიდენტის გათავისუფლება ფუმანიტარულ საფუძველზე უნდა მოხდეს, რადგან მისი ჯანმრთელობის მდგომარეობა მძიმეა.

"მივმართავთ საქართველოს პრეზიდენტს და ხელისუფლების სხვა წარმომადგენლებს, რომ გამოიყენონ მათ ხელთ არსებული ყველა ინსტრუმენტები და მოაგვარონ საქართველოს მესამე პრეზიდენტის ძალიან ტრაგიკული შემთხვევა ჰუმანიტარული გზით. მივმართავთ მთავრობას გაათავისუფლეთ პატიმარი ჰუმანიტარულ საფუძველზე. ეს იქნება გაწერილი რეზოლუციაში, რომელსაც ევროპარლამენტი ოთხშაბათს, 14 დეკემბერს მიიღებს", - განაცხადა ფოტიგამ.

ცნობისთვის, 14 დეკემბერს თბილისის საქალაქო სასამართლოში მიხეილ სააკაშვილის პროცესი უნდა გაიმართოს. ასევე, პროცესის პარალელურად სასამართლოს ეზოში დაგეგმილია პრეზიდენტის მხარდამჭერი აქცია.