რუსეთის საგარეო საქმეთა სამინისტრო საქართველოსთან ფრენების აღდგენას არ გამორიცხავს

რუსეთის საგარეო საქმეთა სამინისტროს დსთ-ს ქვეყნების მეოთხე დეპარტამენტის დირექტორმა, დენის გონჩარმა განაცხადა, რომ რუსეთმა, შესაძლოა, მიიღოს გადაწყვეტილება საქართველოსთან პირდაპირი ფრენების განახლებისა და ვიზალიბერალიზაციაზე, "თუ აუცილებელი წინაპირობები ჩამოყალიბდება". ამის შესახებ მან რუსეთის სამთავრობო სააგენტო "ტასთან" ისაუბრა.

"რაც შეეხება საქართველოს მოქალაქეებისთვის პირდაპირი ფრენების აღდგენისა და ვიზალიბერალიზაციის პერსპექტივებს, თუ ამისათვის აუცილებელი წინაპირობები ჩამოყალიბდება. ცნობილია თბილისში არსებული პირობები, ჩვენ არ გამოვრიცხავთ ამ საკითხზე გადაწყვეტილების მიღებას", – თქვა გონჩარმა.

მისი თქმით, საქართველოში ეკონომიკური ზრდის პროგნოზი ორნიშნა ციფრამდე სწორედ რუსეთიდან შემომავალი ტურიზმის, ფულადი გზავნილებისა და რუსეთთან ვაჭრობის წყალობით გაიზარდა.