მსოფლიო ჩემპიონატის მეოთხედფინალურ მატჩში არგენტინამ ნიდერლანდები დაამარცხა და ნახევარფინალში გავიდა

მსოფლიო ჩემპიონატის მეოთხედფინალურ მატჩში ერთმანეთს არგენტინა და ნიდერლანდები შეხვდნენ. დაძაბული, მატჩის ძირითადი დრო დამატებითი ტაიმებით გაგრძელდა და პენალტების სერიაში არგენტინის გამარჯვებით დასრულდა.

ნიდელმანდების კარში პირველი ტაიმის 35-ე წუთზე გოლი მოლინამ გაიტანა. შეხვედრის მეორე ნახევარში, 73-ე წუთზე ნიდარლანდების კარში თერთმეტმეტრიანი დაინიშნა. პენალტი არგენტინელთა ლიდერმა, ლიონელ მესიმ შეასრულა და თავისი გუნდი ორბურთიანი უპირატესობით დააწინაურა – 2:0.
83-ე წუთზე ნიდერლანდელმა ვეგჰორსტმა თავური დარტყმით ანგარიშის სხვაობა შეამცირა - 2:1. არბიტრმა მეორე ტაიმს 10 წუთი დაამატა და ზუსტად მე-100 წუთზე (90+10) ვეგჰორსტმა დუბლი შეასრულა – 2:2.

ამის შემდეგ ანგარიში აღარ შეცვლილა და ნახევარფინალის საგზურის ბედი პენალტების სერიამ გადაწყვიტა. მატჩის გმირი არგენტინელების მეკარე მარტინესი გახდა, რომელმაც პირველი ორი დარტყმა მოიგერია და საკუთარი გუნდი მსოფლიო ჩემპიონატის ნახევარფინალში გაიყვანა.