ქვეყნის მმართველს მეტი დაფიქრება მართებს, ჩემი შვილი ომში არავის წაუყვანია ან რა გვჭირს ვინმეს წასაყვანი, მას კაცური მოვალეობები აწუხებდა

ქვეყნის მმართველს მეტი დაფიქრება მართებს, ჩემი შვილი ომში არავის წაუყვანია ან რა გვჭირს ვინმეს წასაყვანი, მას კაცური მოვალეობები აწუხებდა - ჯაბა ხოფერიას მამა

საქართველო, თბილისი - 20:25 | 05.12.2022

ნანახია: 425

უკრაინაში დაღუპული ქართველი მებრძოლის ჯამბულათ (ჯაბა) ხოფერიას მამა, არჩილ ხოფერია სოციალურ ქსელში პრემიერ-მინისტრ ირაკლი ღარიბაშვილს ეხმიანება, რომელმაც განაცხადა, რომ "ომის პარტიის" წარმომადგენლებს საქართველოს მოქალაქეები უკრაინაში მიჰყავთ.

არჩილ ხოფერია ამბობს, რომ მის შვილს კაცური მოვალეობები აწუხებდა.

"მე გულს უკვე ვეღარაფერი მატკენს სიტყვაზე ვამბობ უადგილოდ უაზროდ ნათქვამ სიტყვაზე უბრალოდ ქვეყნის მართველს მეტი დაფიქრება მართებს თითოულ სიტყვაზე ..
არ მინდოდა მეთქვა ან რა სათქმელია უბრალოდ იცოდეთ ჩემი შვილი როცა ომი დაიწყო თბილ მიუნჰენში იყო დილის 9 დამირეკა და მითხრა რომ მიდიოდა ..უბრალოდ ვთხოვე დამლოდებოდა ვარშავაში არ დამელოდა ..და იმ კიევში შევიდა რომელსაც მთელი მსოფლიო დაცემას მის დამცველებს კი სიკვდილს უქადდა..იგი არავის წაუყვანია ან რა გვჭირს ჩვენ ვინმეს წასაყვანი ..
მას მისი კაცური მოვალეობები აწუხებდა და მისი გზა ჰქონდა რაზეც ვფიქრობ პირუთვნელად იარა", - წერს არჩილ ხოფერია.