ძიუდოს საერთაშორისო ფედერაციამ გურამ თუშიშვილს ტედი რინერთან გამარჯვება გაუუქმა

საქართველო, თბილისი - 22:11 | 03.12.2022
ნანახია: 143

ძიუდოს საერთაშორისო ფედერაციამ გურამ თუშიშვილს ტედი რინერთან გამარჯვება გაუუქმა.

IJF-ის სამსაჯო კომისიამ გამონაკლისი შემთხვევა დაუშვა და გურამ თუშიშვილს ვაზარი გაუუქმა. გადაწყვეტილება „მებრძოლი თბილისის“ მიერ დაფიქსირებულ საბოლოო შედეგზე არ იქნება ასახული. შეგახსენებთ, რომ გურამ თუშიშვილმა ტედი რინერი გორში, საკლუბო ჩემპიონთა ლიგაზე მეოთხედფინალში დაამარცხა.

ევროპოპის ცნობით, IJF-მ საქართველოს ძიუდოს ფედერაციის პრეზიდენტ გიორგი ათაბეგაშვილს წერილი გამოუგზავნა და აცნობა, რომ თუშიშვილის მოგება გაუქმებულია. ამის შესახებ ინფორმაცია ინსტაგრამზე თვითონ ტედი რინერმა გაავრცელა.

"ძვირფასო ბატონო პრეზიდენტო, გორში გამართულ ჩემპიონთა ლიგაზე მსაჯის აშკარა შეცდომა დაფიქსირდა. ევროპის ძიუდოს კავშირთან (EJU) კონსულტაციის შემდეგ, დავადგინეთ, რომ ასეთი შეცდომის დაშვება არ შეიძლება და გამონაკლისს ვერ დავუშვებთ. მივიღეთ გადაწყვეტილება, რომ გავაუქმოთ ვაზარი ტედი რინერთან და ჰანსოკუ-მაკეთი დავსაჯოთ გურამ თუშიშვილი, მაგრამ აქვე აღვნიშნავთ, რომ ეს შედეგი არ იმოქმედებს თბილისის მებრძოლისა და პარი სენ ჟერმენის დაპირისპირებაზე. საუკეთესო სურვილებით ძიუდოს საერთაშორისო ფედერაციის გენერალური მდივანი'', - ვკითხულობთ წერილში.




არქივი

მოგვძებნე Facebook-ზე