ევროკავშირი ყურადღებით აკვირდება მიხეილ სააკაშვილის ჯანმრთელობის მდგომარეობას, ძალიან მნიშვნელოვანია, რომ მისი უფლებები იყოს დაცული - პაველ ჰერჩინსკი

საქართველოში ევროკავშირის ელჩის, პაველ ჰერჩინსკის განცხადებით, ევროკავშირი ყურადღებით აკვირდება საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობას.

მისივე თქმით, კონტაქტი აქვთ სააკაშვილის ოჯახის წევრებთან.

ამასთან, როგორც პაველ ჰერჩინსკი ამბობს, ძალიან მნიშვნელოვანია, რომ დაცული იყო მიხეილ სააკაშვილის უფლებები.

„ევროკავშირი ყურადღებით აკვირდება ყოფილი პრეზიდენტის, სააკაშვილის ჯანმრთელობის მდგომარეობას. ჩვენ გვაქვს კონტაქტი მის ოჯახთან, ასევე მისი უფლებების საკითხს ვაყენებთ საქართველოს ხელისუფლებასთან. ძალიან მნიშვნელოვანია, რომ სააკაშვილის უფლებები იყოს დაცული. რა თქმა უნდა, საქართველოს სასამართლოს საქმეა მის მომავალთან დაკავშირებით გადაწყვეტილების მიღება“, – განაცხადა ელჩმა.