აზიის განვითარების ბანკსა (ADB) და საქართველოს ბანკს შორის მცირე ზომის ბიზნესების ხელშეწყობის მიზნით მიწოდების ჯაჭვის დაფინანსებაზე შეთანხმება გაფორმდა
საქართველო, თბილისი - 13:45 | 22.11.2022 ნანახია: 457საქართველოს ბანკი პარტნიორებთან ერთად ბიზნესების გაძლიერების ხელშეწყობას აგრძელებს. ამ მიზნით, აზიის განვითარების ბანკთან ერთად ხელი მოეწერა ხელშეკრულებას, რომლის მიხედვითაც მოხდება საქართველოში მცირე და საშუალო ბიზნესის ხელშეწყობა და მათთვის მიწოდების ჯაჭვის დაფინანსება. მსგავსი ხელშეკრულება აზიის განვითარების ბანკისთვის (ADB) აზიის მასშტაბით პირველია და ის საქართველოს ბანკთან გაფორმდა.
მიწოდების ჯაჭვის დაფინანსება მცირე და საშუალო ზომის ბიზნესებს საბრუნავი კაპიტალით მსხვილ კორპორაციებთან ურთიერთობების ბერკეტს აძლევს. საქართველოს ბანკისა და ADB-ის ვაჭრობისა და მიწოდების ჯაჭვის დაფინანსების პროგრამა (TSCFP) მცირე ბიზნესისთვის არსებულ კორპორატიულ რისკს გაიზიარებს, რაც მეწარმეებს მისცემს შესაძლებლობას, უფრო მეტად განვითარდნენ და გაძლიერდნენ. ვაჭრობისა და მიწოდების ჯაჭვის დაფინანსების პროგრამა არის საქართველოსთვის ორწლიანი ტექნიკური დახმარების პროგრამა, რომელიც ასევე ხორციელდება აზიის განვითარებად ქვეყნებში.
„ეს შეთანხმება კიდევ უფრო აფართოვებს საქართველოს ბანკთან პარტნიორობას, რომელიც
მიწოდების ჯაჭვის დაფინანსებაზე, ჯერ კიდევ 2011 წელს დაიწყო “, - განაცხადა სტივენ ბეკმა, TSCFP-ის ხელმძღვანელმა. „მიწოდების ჯაჭვის დაფინანსების ხელშეწყობის ის სტრატეგია, რომელიც გვაქვს ჩვენს პარტნიორ ბანკებთან, მიმართულია იმისკენ, რომ მცირე კომპანიებმა აითვისონ განვითარებადი აზიის ბაზრები, მონაწილეობა მიიღონ მიწოდების გლობალურ ქსელებში, რაც მათ ხელს შეუწყობს მასშტაბირებასა და ზრდაში, იმაში რომ შექმნან ახალი სამუშაო ადგილები. გვაქვს მოლოდინი, რომ ეს შეთანხმება იქნება ერთერთი იმ მრავალი გარიგებიდან, რომელიც გააუმჯობესებს თამაშის წესებს იმ მცირე კომპანიებისთვის, რომლებიც ქმნიან სამუშაო ადგილებს განვითარებად აზიაში, ”- დასძინა სტივენ ბეკმა.
”საქართველოს ბანკისთვის მცირე და საშუალო ბიზნესის ხელშეწყობა განსაკუთრებით მნიშვნელოვანია, სწორედ ამ მიზანს ემსახურება ბანკსა და მის მრავალწლიან პარტნიორს, აზიის განვითარების ბანკს შორის გაფორმებული ხელშეკრულება, რომელიც მიმართულია მცირე ზომის ბიზნესების კიდევ უფრო გაძლიერებისთვის და მათთვის ახალი ბაზრების ათვისების ხელშეწყობისთვის. ძალიან მნიშვნელოვანია, რომ ის ცოდნა, ექსპერტიზა და გამოცილება, რაც დაგროვდა საუკეთესო საერთაშორისო პრაქტიკების სახით, გამოვიყენოთ საქართველოში და ბიზნესებს მივცეთ შესაძლებლობა, ნაკლები რისკით დაიწყონ პარტნიორობა დიდ კორპორაციებთან. საქართველოს ბანკსა და ADB–ს შორის პარტნიორობა შესაძლებლობას მოგვცემს გავაძლიეროთ ჩვენი პოზიცია, როგორც ფინანსური ინსტიტუტისა, რომელიც ზრუნავს, რათა შექმნას ვაჭრობისა და მიწოდების ჯაჭვის დაფინანსების კიდევ უფრო ხელმისაწვდომი პროდუქტები მცირე და საშუალო ზომის კომპანიებისთვის”, - განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა.
ინფორმაციისთვის, ვაჭრობისა და მიწოდების ჯაჭვის დაფინანსების პროგრამა (TSCFP) ტრენინგებითა და სხვა ტექნიკური სახის მხარდაჭერით განვითარებადი აზიის ქვეყნებში ბანკებს აძლევს შესაძლებლობას, უფრო სწრაფად გაიზიარონ საუკეთესო საერთაშორისო პრაქტიკა მიწოდების ჯაჭვის დაფინანსების მიმართულებით. ADB-ის შეფასებით, ვაჭრობის დაფინანსების მოთხოვნასა და ფინანსურ ხელმისაწვდომობას შორის სხვაობა მინიმუმ 2 ტრილიონ აშშ დოლარს შეადგენს, რითიც ყველაზე მეტად მცირე და საშუალო ზომის კომპანიები ზარალდებიან.
აზიის განვითარების ბანკი AAA საკრედიტო რეიტინგით და 250-ზე მეტ პარტნიორ ბანკთან თანამშრომლობით, TSCFP პროგრამის ფარგლებში უზრუნველყოფს ვაჭრობისა და მიწოდების ქსელის ფინანსურ ხელმისაწვდომობას სესხებითა და გარანტიებით, რომლებიც მხარს უჭერს ეკონომიკურ ზრდას და ქმნის ახალ სამუშაო ადგილებს ცხოვრების დონის გასაუმჯობესებლად. TSCFP ინიციატივები ხელს უწყობს, რომ გლობალური ვაჭრობა და მიწოდების ქსელი გახდეს უფრო მწვანე, მდგრადი, ინკლუზიური, გამჭვირვალე და სოციალურად პასუხისმგებლიანი.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა