დააკავეს კაცი, რომელიც ავტობუსში არასრულწლოვანს შეხსნილი პიჯაკის გამო თავს დაესხა

დააკავეს კაცი, რომელის ავტობუსში არასრულწლოვანს ჰომოფობიურ ნიადაგზე დაესხა თავს.

გამოძიება საქართველოს სისხლის სამართლის კოდექსის ორი - 126-ე და 151-ე მუხლით დაიწყო, რაც ძალადობასა და მუქარას გულისხმობს.

შემთხვევა 6 ნოემბერს მოხდა. ახალგაზრდა ფეისბუკზე წერდა, რომ საზოგადოებრივ ტრანსპორტში ა შეურაცხყოფა მიაყენეს. მან ინციდენტის ამსახველი ვიდეოც გაავრცელა. მისი ცნობით, კაცი შეხსნილი პიჯაკის გამო დაესხა თავს, ფიზიკური შეურაცხყოფა მიაყენა და მოკვლით ემუქრებოდა. 

ვიდეოში ჩანს კაცი, რომელიც სიტყვიერ შეურაცხყოფას აყენებს და ემუქრება არასრუწლოვანს. 

"ეს "კაცი" თავს დამესხა ავტობუსში ჩემი პიჯაკის გამო, რატო გაცვია შეხსნილი ღილებითო. მეთქი რა შენი საქმეა, მე რა მეცმევათქო და დავიწყეთ კამათი. მერე ეს კაცი წამოდგა და ხელის დასარტყამად გამოიწია, მერე კიდევ ერთმა წამოიწია და თითქმის ბრბოს ქვეშ მოვხვდი, რომელიც მაგინებდა და შეურაცხყოფას მაყენებდა. მერე გოგონებმა გამარიდეს და ავტობუსის წინა ნაწილში გადავედი სადაც 112-ში დავრეკე. ეს კაცი მოკვლით მემუქრებოდა, სხვა გზა არ მქონდა.

დიდუბეში უნდა მოსულიყო ეკიპაჟი, რომელსაც დიღმის მასივიდან გადასცეს განცხადების შესახებ, მაგრამ არ მოვიდნენ დროულად და ავტობუსი წავიდა წინ. მერე წერეთლის 126-ში გააჩერა მძღოლმა, პოლიციას ველოდებოდით. ეს კაცი წინ გადმოვიდა და ხელი დამარტყა, მეც თავი დავიცავი და ჩემი ძალით მოვიგერიე, მერე უკან დაიხია და მუქარებზე გადმოვიდა. ავტობუსში ზოგიერთი "ქალი" მე მაბრალებდა ამას. ვერ გიყვებით ღრმად დეტალებს, რადგან ცუდად ვარ ამას რომ ვწერ, მერე პოლიცია მოვიდა და სასწრაფო გამოიძახეს", - წერს ის.