კაცი, რომელსაც სხეულზე დამაგრებული 1100 ფუტკარი გადაჰყავდა, სარფის საბაჟოზე დააკავეს

საქართველო, თბილისი - 15:01 | 28.10.2022
ნანახია: 323

თურქმა სამართალდამცავებმა სარფში, საზღვრის კვეთისას, დააკავეს საქართველოდან თურქეთში შესული კაცი, რომელსაც 1100 ფუტკარი გადაჰყავდა სხეულზე დამაგრებული ხის ყუთებით.

მედიის ცნობით, კაცმა სარფის საზღვარზე სკანირება უპრობლემოდ გაიარა, მაგრამ იგი მებაჟეებმა საეჭვო ქცევის გამო შეაჩერეს და გაჩხრიკეს.

სვიტერის აწევის დროს გაირკვა, რომ მას სხეულზე ხის პატარა ყუთები ჰქონდა დამაგრებული, სულ 110 ყუთი. თითო ყუთში 1 დედა ფუტკარი და ცხრა მუშა ფუტკარი იყო მოთავსებული.

ეჭვმიტანილი დააკავეს. უცნობია, იგი საქართველოს მოქალაქეა თუ თურქეთის.

ასევე, სარფის საზღვარზე, თურქეთში შესული ავტომანქანის საწვავის ავზში 104 კილოგრამზე მეტი წაბლის თაფლი აღმოაჩინეს. საბაჟოს თანამშრომლებმა გაარკვიეს, რომ ავტომანქანა მუშაობდა დამატებით საწვავის ავზზე, რომელიც დამაგრებული იყო თაფლით სავსე ორიგინალური ავზის გვერდით.

წყარო : ბათუმელები




არქივი

მოგვძებნე Facebook-ზე