ყაჩაღობა ვანში - 83 წლის მამაკაცს ყური მოაჭრეს

ვანში, ყაჩაღობისა და მოხუცი მამაკაცის დასახიჩრების ფაქტზე ყვებიან. ამის შესახებ ინფორმაციას "ქუთაისიპოსტი" ავრცელებს. როგორც დაზარალებულის ნათესავები ამბობენ, ყაჩაღობის ფაქტი ვანში სამი დღის წინ მოხდა. მათივე ცნობით, მძარცველები 83 წლის მამაკაცს სასტიკად გაუსწორდნენ.
"მძარცველები სახლში შევარდნენ და ფულს ეძებდნენ, ვერაფერი რომ ვერ იპოვეს იფიქრეს ფულს მალავდა და ამის გამო მოხუც კაცს ყური მოაჭრეს," - ამბობს დაზარალებულის ნათესავი.
როგორც ირკვევა, ვანში მომხდარი ყაჩაღობისა და წამების შესახებ ინფორმაცია არ გახმაურებულა. როგორც "ქუთაისიპოსტს"  შინაგან საქმეთა სამინისტროში განუცხადეს, უწყებისთვის აღნიშნული ფაქტი უცნობია.