ბათუმში მუნიციპალურ ავტობუსს ტრაილერი დაეჯახა

ბათუმში, თამარ მეფის გამზირზე მუნიციპალურ ავტობუსს ტრაილერი შეეჯახა. იტყობინება აჭარის საზოგადოებრივი მაუწყებელი.

მაუწყებლის ინფორმაციით, შემთხვევის შედეგად დაშავდა მძღოლი და რამდენიმე მგზავრი.

სასწრაფო სამედიცინო დახმარების ცენტრის ინფორმაციით, დაშავებულები კლინიკა “მედალფასა” და “მედცენტრში” გადაიყვანეს.

ავარიის გამო ბათუმი-ქობულეთის მაგისტრალზე გადაადგილება დროებით შეფერხებული იყო.