მარნეულში 64 წლის კაცი მოკლეს

მკვლელობა მარნეულში - სოფელ მეორე ქესალოში 64 წლის მამაკაცი მოკლეს. სამართალდამცველებს უკვე იდენტიფიცირებული ჰყავთ სავარაუდო დამნაშავე.

გავრცელებული ინფორმაციით, კონფლიქტი ყოფით ნიადაგზე, ნათესავებს შორის მოხდა. 

თვითმხილველების თქმით, მამიდაშვილს მან რამდენჯერმე ესროლა. 

შინაგან საქმეთა სამინისტროს ინფორმაციით, მარნეულში დააკავეს 1973 წელს დაბადებული კაცი.

"გამოძიებით დადგინდა, რომ ბრალდებულმა მიმდინარე წლის 14 ივლისს, მარნეულის მუნიციპალიტეტის სოფელ მეორე ქესალოში, მიწის ნაკვეთის საკუთრებასთან დაკავშირებით არსებული კონფლიქტის ნიადაგზე, თანასოფლელი - 1958 წელს დაბადებული ტ.ე. სანადირო თოფიდან გასროლით დაჭრა და შემთხვევის ადგილიდან მიიმალა. დაჭრილი მამაკაცი მოგვიანებით სამედიცინო დაწესებულებაში გარდაიცვალა". - წერია განცხადებაში.

განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს. დანაშაული 10-დან 15 წლამდე ვადით თავისუფლების აღკვეთას ითვალისწინებს.