საბერძნეთში პოლიციამ 27 წლის ქართველი დააკავა

საბერძნეთის ქალაქ სალონიკში პოლიციამ 27 წლის ქართველი დააკავა. 

ადგილობრივი მედიის ინფორმაციით, შაბათს, ქართველების რვაკაციანი ჯგუფი, ერთ-ერთ რესტორანში იმყოფებდა. გვიან, ღამით, დაწესებულების დატოვების შემდეგ კი ერთმანეთს დაუპირისპირდნენ.

ქართველების გაშველებმა ადგილობრივებმა სცადეს, თუმცა ქართველები მათაც დაუპირისპირდნენ და მამა-შვილს სასტიკად სცემეს.

37 წლის დაშავებული კაცი საავადმყოფოში გადაიყვანეს. ბერძნული მედიის ცნობით, მას სერიოზული დაზიანებები ჰქონდა თვალისა და თავის არეში.

დაკავებულია 27 წლის ქართველი.