საქართველოს კალათბურთელთა ნაკრებმა მსოფლიო მოქმედი ჩემპიონი, ესპანეთი 82:76 დაამარცხა

საქართველო, თბილისი - 21:41 | 04.07.2022
ნანახია: 324

საქართველოს კალათბურთელთა ნაკრებმა მსოფლიო ჩემპიონატის შესარჩევ ეტაპზე ესპანეთს უმასპინძლა და მსოფლიოს მოქმედი ჩემპიონი ანგარიშით 82:76 დაამარცხა. თამაში, რომელსაც ოვერტაიმი დასჭირდა, ურთულესი გამოდგა.

ჩვენმა გუნდმა თამაში შემდეგი ხუთეულით დაიწყო: ანდრონიკაშვილი, მაკფადენი, სანაძე, შენგელია, შერმადინი.

თავიდან საქართველოს ნაკრები სანაძის სამქულიანით დაწინაურდა, შემდეგ 5 წუთი შეტევაში ქულების აღება ვერ მოახერხა და მეტოქე წინ გავიდა. ამის შემდეგ გუნდი დაცვაში კარგად თამაშობდა, შესანიშნავად შევიდა შეცვლაზე ბექაური და პირველი მეოთხედი 1 ქულით საქრთველოს ნაკრებმა მოიგო.

მეორე მეოთხედი საქართველოს ნაკრებმა კარგად დაიწყო და თამაშში კარგად ჩაერთო ბურჯანაძე და 5 ქულით გაქცევა შეძლო.

ესპანელთა მწვრთნელმა სკარიოლომ წუთშესვენება აიღო, მერე მოწინაამდეგემ ანგარიში გაათანაბრა, პირველი ტაიმი კი 6 ქულით მოვიგეთ.

მესამე მეოთხედის დასაწყისში ორივე გუნდმა შეტევაში შეცდომები დაუშვა, არეული თამაში წავიდა, მეტოქემ წინ გასვლა მოახერხა, ჩვენი გუნდის მწვრთნელმა ზუროსმა შენგელია და შერმადინი დაასვენა და დასკვნითი პერიოდის წინ ესპანელები 3 ქულით დაწინაურდნენ.

საბოლოოდ კი საქართველოს ნაკრებმა მსოფლიოს მოქმედი ჩემპიონი ესპანეთი დაამარცხა.

ამგვარად, საქართველოს ნაკრებმა მსოფლიოს 2023 წლის ჩემპიონატის პირველი საკვალიფიკაციო ჯგუფი 4 მოგებითა და 2 მარცხით დაასრულა.

მე-2 საკვალიფიკაციო რაუნდში ესპანეთი, საქართველო და უკრაინა გავიდნენ, იქ კი თამაში იტალიის, ისლანდიისა და ნიდერლანდების ნაკრებებთან მოუწევთ. მომდევნო ეტაპის პირველი ფანჯრის თამაშები 24 და 27 აგვისტოს ჩატარდება.

 

ფოტო: europop.ge




არქივი

მოგვძებნე Facebook-ზე