დღეიდან ამინდი გაუარესდება

21 თებერვალს საქართველოს ზოგიერთ რაიონებში მოსალოდნელია წვიმა, მაღალმთიან რაიონებში კი თოვლია მოსალოდნელი. სინოპტიკოსები თოვლს ვარაუდობენ  ბაკურიანში და გუდაურში. აღმოსავლეთ საქართველოში ბარში დღისით ჰაერის ტემპერატურა +5-10 გრადუსი იქნება, დასავლეთ საქართველოს დაბლობში + 11-16 გრადუსის ფარგლებში.

გარემოს ეროვნული სააგენტოს ჰიდრომეტეოროლოგიური პროგნოზების სამსახურის ინფორმაციით, 22 თებერვლიდან საქართველოში ამინდი საგრძნობლად გაუარესდება და უმეტეს რაიონებში იწვიმებს, მთიან და მაღალმთიან რაიონებში ითოვებს და მოსალოდნელია ქარბუქები. ასევე ქვეყნის მთელ ტერიტორიაზე ქარი გაძლიერდება. ცალკეულ რაიონებში ქარის სიჩქარე წამში 20-25 მეტრს მიაღწევს. ჰაერის ტემპერატურა დასავლეთ საქართველოს დაბლობში დაიწევს და დღისით 5-10 გრადუსი იქნება აღმოსავლეთ საქართველოში ბარში + 7-12 გრადუსის ფარგლებში. აღმოსავლეთ საქართველოს ბარში კი ღამით ყინვა -2+3 გრადუსი დაფიქსირდება, დასავლეთ საქართველოს დაბლობში ღამით ტემპერატურა 0;+5 გრადუსი იქნება.