გარემოსდაცვითი ზედამხედველობის დეპარტამენტის აღმოსავლეთის რეგიონული სამმართველოს თანამშრომლებმა უკანონო ტყითსარგებლობის 16 ფაქტი გამოავლინეს.

დუშეთის, მცხეთის, ხაშურისა და ქარელის მუნიციპალიტეტებში მოქალაქეებმა სხვადასხვა სახეობის 77 ერთეული და 24 მ3-მდე ხე-ტყის ჭრა-ტრანსპორტირება შესაბამისი დოკუმენტაციის გარეშე მოახდინეს.

აღმოსავლეთის რეგიონული სამმართველოს თანამშრომლების მიერ დაილუქა უკანონოდ მოპოვებული ხე-ტყე და შედგა შესაბამისი ოქმები. საქმის მასალები შემდგომი რეაგირების მიზნით, შესაბამის რაიონულ სასამართლოებში გადაიგზავნება.