ეს ადამიანები დღეს აგებენ პროპაგანდას იმ ადამიანის წინააღმდეგ, რომელსაც 3 მლრდ დოლარი აქვს დახარჯული მარტო ქველმოქმედებაში - კობახიძე

ბიძინა ივანიშვილს სამი მილიარდი აქვს მარტო ქველმოქმედების სახით დახარჯული საქართველოში და იმ ადამიანებს, რომლებიც სჩადიოდნენ უამრავ დანაშაულს, მათ შორის კორუფციის და ყაჩაღობის კუთხით, ვფიქრობ, 3 მილიარდ დოლარზე უფრო მეტიც აქვთ მთლიანობაში მიტაცებული, როგორც სახელმწიფოსგან, ასევე კონკრეტული ადამიანებისგან, - აცხადებს პარტია „ქართული ოცნების“ თავმჯდომარე ირაკლი კობახიძე. მისი განმარტებით, ბიძინა ივანიშვილი არის მეცენატი, ქველმოქმედი, ესეც არის უმარტივესი ფაქტის კონსტატაცია.

"ეს ადამიანები და მათი კუთვნილი ტელევიზიები დღეს აგებენ პროპაგანდას იმ ადამიანის წინააღმდეგ, რომელსაც სამი მილიარდი დოლარი თავის ფული აქვს დახარჯული მარტო ქველმოქმედებაში. ესეც არის მორიგი მცდელობა, რომ სიმართლე თავდაყირა დააყენო, თუმცა საზოგადოება ბუნებრივია, დაინახავს ყველაფერს და ამის მიხედვით გამოიტანს დასკვნებს“, – განაცხადა ირაკლი კობახიძემ.