ინტერვიუ ბილ გეიტსთან - „ამერიკის ხმის“ ექსკლუზივი
საქართველო, თბილისი - 21:45 | 08.11.2021 ნანახია: 913
ცნობილი ამერიკელი ფილანტროპი ბილ გეიტსი გლაზგოში მიმდინარე გაეროს კლიმატის კონფერენციაში აქტიურად მონაწილეობს. ბილ და მელინდა გეიტსების ფონდი გლობალური დათბობის შენელების საქმეში, რასაც სპეციალისტების აზრით, კაცობრიობის კატასტროფულ შედეგებამდე მიყვანა შეუძლია, ასობით მილიონი დოლარის ინვესტიციას დებს. გლაზგოში მყოფ ბილ გეიტსს „ამერიკის ხმის“ „აფრიკა-54-ის“ ჟურნალისტი - ლინორდ მოუდო - „სკაიპის“ საშუალებით ესაუბრა.
დაგვეხმარეთ კლიმატური ცვლილებების პრობლემის მასშტაბის გააზრებაში, რა გველის და რამდენად უნდა ვიყოთ შეშფოთებულნი?
კლიმატური ცვლილებები ერთ-ერთი უდიდესი გამოწვევაა, რომლის წინაშეც კაცობრიობა როდესმე ყოფილა. წლიდან წლამდე ნახშირორჟანგის ემისიების გამო კლიმატი თბება, რაც იმას ნიშნავს რომ მაგალითად ეკვატორის მახლობლად ფერმერობა და მშენებლობა შეუძლებელი გახდება. ტროპიკულ ზონებში მცხოვრები ხალხისთვის ეს სერიოზული დესტაბილიზაციაა.
ორი რამ უნდა ვქნათ: შევწყვიტოთ ემისიების ატმოსფეროში გამოყოფა და არსებობს კიდეც ამის ამბიციური სამიზნე - 2050 წელი. პარალელურად, უნდა დავეხმაროთ ქვეყნებს ამინდის ცვალებადობასთან ადაპტაციაში, მაგალითად - მივცეთ ისეთი თესლი, რომელიც ცხელ ტემპერატურას გაუძლებს. იმასთან შედარებით, რა გეგმებიც 6 წლის წინ პარიზში ყოფნისას დავსახეთ, წელს გაცილებით დიდი და ფართო პროგრამებია, მეტი საქმე გვაქვს.
პარიზში 2015 წლის შეხვედრის შემდეგ, რა პროგრესი გვქონდა და როგორ შეიძლება განისაზღვროს დღეს გლაზგოს კონფერენციის წარმატება?
ჩვენ აქტიურად ვართ ჩართული კერძო სექტორის მიმართულებით. ვპოულობთ კონკრეტული ინოვაციების საჭიროებას და შემდეგ ვმუშაობთ თითოეულ სფეროსთან, რომ ახალი იდეები იქამდე მივიტანოთ. ადაპტაციაში მნიშვნელოვანი ინვესტიციები იდება. ეს პარიზში არ ხდებოდა. არ ვამბობ, რომ ახლა რასაც ვაკეთებთ, ეს საკმარისად კარგია. შემდეგ წლებში ჩართულობა უნდა გაიზარდოს, უკეთესი საკანონმდებლო რეგულაციები გვესაჭიროება, კერძო სექტორის მეტად გააქტიურება, მეტი ინოვაცია, რომელიც ადაპტაციისკენაა მიმართული.
ხშირად საუბრობთ ინოვაციების აუცილებლობაზე, მათ შორის წელს გამოსულ წიგნში: „როგორ ავიცილოთ თავიდან კლიმატური კატასტროფა“. რა ტიპის ინოვაციებს გულისხმობთ?
დიდი განაცხადი გავაკეთეთ, ვმონაწილეობთ ინოვაციების ადაპტაციის დიდ პროგრამაში, რომელიც მცირე ზომის ფერმების დახმარებას ისახავს მიზნად. ბევრი ქვეყანაა ჩართული, რესურსების გამოყოფის პირობა პრეზიდენტმა ბაიდენმაც დადო. მომდევნო 3 წლის მანძილზე 350 მილიონ დოლარს გადავცემთ თესლის კონსორციუმს, სახელად „სი-ჯი სისტემა“. ის თესლებით სხვადასხვა ქვეყნებს მოამარაგებს. ჩვენი მიზანია ისეთი თესლი გამოვიყვანოთ, რომელიც კლიმატური ცვლილებების გამოწვევების ფონზე, გაცილებით პროდუქტიული იქნება და მეტ მოსავალს მოგვცემს.
ჯამში, ამ მიმართულებით წინასწარი დაპირებები მილიარდ დოლარას აღწევს. ამით ასობით მილიონი წვრილი მეწარმე ისარგებლებს. ეს [გლაზგოს კონფერენციის] ინოვაციების ადაპტაციის ერთ-ერთი მთავარი მიღწევა იქნება, რომელიც სავარადუდ სათანადო ყურადღების გარეშე დარჩება.
როგორ შეიძლება ინდივიდუალური წვლილის შეტანა კლიმატის ცვლილების გლობალური პრობლემის დაძლევაში?
რა თქმა უნდა, არსებობს პროდუქტები, რომელიც ამცირებს ემისიების გამოყოფას. ერთი ქვეყნიდან მეორემდე ეს ძალიან განსხვებულია. იცით, რომ მდიდარ ქვეყნებში, ჩვენ გვაქვს იმის საშუალება, განვსაზღვროთ, თუ რომელი საკვების დამზადება, რის გამოყოფას იწვევს. ჩვენთან ელექტრო-მანქანების რიცხვიც იზრდება. სახლების გათბობაც ელექტროენერგიაზე გადადის და ბუნებრივ აირს თანდათან ანაცვლებს.
ინდივიდუალურ დონეზე ძალიან მნიშვნელოვანია პოლიტიკური ჩართულობაც. ეს ისეთი დონის პრობლემაა, რომელიც ითხოვს როგორც გრძელვადიან, ისე მოკლევადიან ქმედებას. კლიმატური ცვლილებების დრამატული პრობლემის დაძლევის საქმეში, მოკლევადიანი მცირე მსხვერპლიც კი იძლევა გრძელვადიან შედეგს. ამიტომ, ხალხისთვის ინფორმაციის მიწოდებას, მათ განათლებას უდიდესი მნიშვნელობა ენიჭება. ახლავე თუ არ დავიწყეთ, არაფერი გამოვა. ეს გაცილებით რთული პრობლემაა, ვიდრე პანდემია. ერთი ინსტრუმენტი შევქმენით პანდემიისთვის ვაქცინის სახით და პრობლემის გადაჭრის შანსი გვაქვს. კლიმატური ცვლილებების შესანელებლად კი უთვალავი ინსტრუმენტია საჭირო.
უცოდინრობის ბრალია ეს თუ არა, ჯერ კიდევ ბევრს არ სჯერა კლიმატური ცვლილებების. რას ეტყოდით მათ?
სამწუხაროდ, მტკიცებულებები თანდათან ძლიერდება. ეს არის პრობლემა, რომლის გადაჭრა ჯერ კიდევ შესაძლებელია. ჩემი ბოლო 6 წლის გამოცდილებით, ჩვენ ისევ ინოვაციების წახალისებასთან მივდივართ. ბევრი ახალი კომპანია დავაფინანსეთ და შემდეგი 5 წელიც ახალი იდეები პრაქტიკაში უნდა განვახორციელოთ, არამარტო მდიდარ ქვეყნებში, არამედ განვითარებად სამყაროშიც, მათ შორის- აფრიკაში.
წყარო: https://www.amerikiskhma.com/a/voa-interview-with-bill-gates/6300084.html
პოლიტიკა
- არავის მივცემთ უფლებას, საქართველო გამოიყენოს სანქციების გვერდის ავლის მიზნით - ირაკლი ღარიბაშვილი
- ჩვენი პოზიცია რუსეთის წინააღმდეგ სანქციებთან დაკავშირებით სრულ შესაბამისობაშია საერთაშორისო თანამეგობრობის პოზიციასთან - ღარიბაშვილი
- ომის დაწყების პირველივე დღიდან, საქართველო გამოხატავს სრულ სოლიდარობას უკრაინისადმი და უკრაინელი ხალხისადმი - ღარიბაშვილი
- სასამართლოსთან დაკავშირებით პრეზიდენტის განცხადება იყო სირცხვილი, 26 მაისს, როდესაც არ იცი, რაზე უნდა ისაუბრო, ეს არის სერიოზული პრობლემა - კობახიძე
საზოგადოება
- "გადადგი ნაბიჯი ევროპისკენ" - ახალი სამოქალაქო ინიციატივის პრეზენტაცია გაიმართა
- მოამზადე ავტომობილი ზაფხულისთვის - მაისის შეთავაზებები "თეგეტა მოტორსში"
- ღმერთმა მოგმადლოთ ჯანმრთელობა, მშვიდობა და კეთილდღეობა თქვენს პირველმღვდელმთავლურ მსახურებაში - ილია მეორე რუსეთის პატრიარქს
- პენიტენციური სამსახური მიხეილ სააკაშვილის ჯანმრთელობის მდგომარეობაზე განცხადებას ავრცელებს
ეკონომიკა
- საქართველოს ბანკთან პარტნიორობით საერთაშორისო ბრენდის სასტუმრო Ibis Budget-ი გაიხსნა
- საქართველოს ბანკის ბიზნეს მობილბანკს 5 ახალი ფუნქციონალი დაემატა
- PSP ბიზნესის კორპორაციული სოციალური პასუხისმგებლობის ფორუმზე CSR FORUM 2022 ანგარიშით წარსდგა
- საქართველოს ბანკის საინვესტიციო პლატფორმას უკვე 10 000-ზე მეტი მომხმარებელი ჰყავს
მსოფლიო
- აშშ უკრიანისთვის თანამედროვე შორი დისტანციის სარაკეტო სისტემების მიწოდებას გეგმავს - CNN
- რუსეთის საოკუპაციო არმიამ უკრაინაში 30 ათასამდე სამხედრო დაკარგა - უკრაინის გენშტაბი
- რუსეთი სევერდონეცკის დაკავების მცდელობებს აგრძელებს, თუმცა უკრაინა კონტროლის შენარჩუნებას ახერხებს - ბრიტანეთის დაზვერვა
- პუტინი უნდა დავამარცხოთ და არა დავაშოშმინოთ - ლიზ ტრასი
კონფლიქტები
- ჩემს შვილს ვერ ვცნობ. სხვა ადამიანია. გამოსავალს ისევ ვხედავ გაყვანაში - გიული ალასანია
- გაგლოევი ემხრობა რუსეთთან გაერთიანებას, თუმცა ბიბილოვს აკრიტიკებს "რეფერენდუმის" დანიშვნის გამო
- სრულად ვუჭერ მხარს გაყოფილი ოსი ხალხის გაერთიანების იდეას ერთიან რუსეთში - ალან გაგლოევი
- ოკუპირებულ ცხინვალში რუსეთის შემადგენლობაში შესვლის თაობაზე ე.წ.რეფერენდუმი დაინიშნა
მედიცინა
- ვაქცინაციისთვის 50 000 შპრიცი უკვე საქართველოშია - ჯანდაცვის სამინისტრო
- Pfizer-მა და BioNTech-მა ევროპის სამედიცინო სააგენტოს მიმართეს ვაქცინის დამტკიცების თხოვნით
- მესამე ტალღას არ გამოვრიცხავთ - ეკატერინე ტიკარაძე
- Moderna-ს კორონავირუსის საწინააღმდეგო ვაქცინამ 95%-იანი ეფექტურობა აჩვენა - წინასწარი მონაცემები