სააკაშვილი ჩამოვიდა საქართველოში, რომ მოეხდინა არეულობა, მძიმე პროვოკაცია, მათ შორის მკვლელობები - ირაკლი ღარიბაშვილი

საქართველოს პრემიერ მინისტრმა ირაკლი ღარიბაშვილმა ჟურნალსიტებთან საუბრისას განაცხადა, რომ მიხეილ სააკაშვილი ჩამოვიდა საქართველოში მხოლოდ ერთი მიზნით, რათა მოეხდინა დესტაბილიზაცია, არეულობა და მკვლელობები.

"მე აღარ მინდა უბრალოდ პატიმარზე ვილაპარაკო ამდენი, საკმარისია მე ვფიქრობ, ძალიან ბევრი განცხადებაც გაკეთდა, ბევრი ემოციებიც დავხარჯეთ, ახლა საქმეზეა კონცენტრირება საჭირო.

 "თქვენ როგორ ხედავთ, როგორ მიგაჩნიათ, იკითხეთ პატიმარი სააკაშვილი, რომელიც ჩამოვიდა საქართველოში მხოლოდ და მხოლოდ ერთი მიზნით, რომ მოეხდინა დესტაბილიზაცია, არეულობა, მათ შორის ძალიან მძიმე პროვოკაცია, მათ შორის მკვლელობების განხორციელებაც თუ ისე განვითარდებოდა, როგორც მას ჰქონდა ჩაფიქრებული, მადლობა ღმერთს, ჩვენ ეს დიდი განსაცდელი და პროვოკაცია ავარიდეთ ქვეყანას და მოსახლეობას", - აღნიშნა ირაკლი ღარიბაშვილმა.