ჩვენი ინფორმაციით, დამაჯერებლად ვიგებთ თბილისში - ელენე ხოშტარია

ჩვენი ინფორმაციით, დამაჯერებლად ვიგებთ თბილისში, დარჩენილია რამდენიმე საათი უბნების დახურვამდე, მოვუწოდებ ყველას, მივიდეთ უბნებზე, - ამბობს "დროას" ლიდერი, გლდანის რაიონში ოპოზიციის ნაწილის შეთანხმებული კანდიდატი, ელენე ხოშტარია.

"ვნახეთ, სამწუხაროდ, კიდევ ერთხელ ადამიანები, ჩვენი მოქალაქეები, რომელსაც ქართული ოცნება, სუს-ი იყენებს ფარად, აყენებს უბნებში, ურიგებს საჭმელს, ლუდს და ამით უნდათ გავლენის მოხდენა, მაგრამ ეს ყველაფერი არ იქნება საკმარისი.

მე მინდა გითხრათ, ჩვენი ინფორმაციით, დამაჯერებლად ვიგებთ თბილისში, ეს არის ძალიან მნიშვნელოვანი, მოქალაქეებს უნდა ესმოდეთ, რომ მათი აქტიურობა მოიტანს ქვეყანაში ცვლილებებს, დარჩენილია რამდენიმე საათი უბნების დახურვამდე, მოვუწოდებ ყველას, მივიდეთ უბნებზე, ვანახოთ ჩვენი შემართება, არა ჩვენთვის ოპოზიციისთვის, არამედ, თქვენთვის, თქვენი მომავლისთვის და ვანახოთ, რომ თბილისი, საქართველო, ეს არის ღირსეული, ამაყი მოქალაქეების ქვეყანა, რომლებიც არჩევანს არავის არ აჩუქებენ და თავად გააკეთებენ თუ როგორი იქნება ჩვენი ქვეყანა, ამიტომ, ყველა უბნებზე, ყველა ყურადღებით, ყველამ დაივიცვათ ჩვენი არჩევანი და საღამოს ვიზეიმოთ გამარჯვება", - ელენე ხოშტარია.