რთული იყო დღევანდელი პროვოკაციისა და შეურაცხყოფის მოთმენა, მით უმეტეს, კრიმინალის მხრიდან. საზოგადოებას ბოდიშს ვუხდი - კობახიძე

მელია არის უინტელექტო ხულიგანი და პროვოკატორი. რომელიც თავის პოლიტიკურ შანსს მხოლოდ პროვოკაციებში ხედავს, - განაცხადა ქართული ოცნების თავმჯდომარე, ირაკლი კობახიძემ ნაციონალური მოძრაობის თავმჯდომარესა და თბილისის მერობის კანდიდატთან, ნიაკ მელიასთან დაპირისპირებაზე.

ამასთან, კობახიძე საზოგადოებას ბოდიშს უხდის იმ სიტყვებისთვის, რომელიც მისგან მოისმინა.

"სიმბოლურია, რომ ნიკანორ მელიამ პროვოკაცია განახორციელა ევროკავშირის ოფისის წინ, ევროკავშირის ელჩებთან შეხვედრამდე, ეს იყო დემონსტრაციული განაცხადი, რომ მელია არაფრად აგდებს ჩვენი დასავლელი პარტნიორების მოწოდებებს და პოლარიაზაციას სრულიად შეგნებულად აღვივებს მათი ოფისის წინ. დღევანდელი პროვოკაციაც ადასტურებს, რომ ძალზე რთულია, ასეთ პროვოკაციებს პასუხი არ გასცე. ჩემთვისაც რთული იყო დღევანდელი პროვოკაციისა და შეურაცხყოფის მოთმენა, მით უმეტეს, კრიმინალის მხრიდან. საზოგადოებას ბოდიში მინდა მოვუხადო სიტყვებისთვის, რომელიც დღეს ჩემგან მოისმინა.

ამ ფონზე, კიდევ ერთხელ მინდა მოვუწოდო თითოეულ ჩვენს მხარდამჭერს, ჩვენი პარტიის წევრებსა და აქტივისტებს, მოთმინებით მიუდგნენ ნებისიერ ასეთ პროვოკაციას, ჩვენ უნდა ვუზრუნველყოთ მშვიდი და მშვიდობიანი საარჩევნო გარემო. 2 ოქტომბერს ქართული ოცნება დამაჯერებლად გაიმარჯვებს, რის შემდეგაც კრიმინალები საბოლოოდ ჩამოშორდებიან პოლიტიკას" - თქვა კობახიძემ.

23 სექტემბერს ევროკავშირის წარმომადგენლობის ოფისთან მელია და კობახიძე ერთმანეთს სიტყვიერად დაუპირისპირდნენ.  მელიამ კობახიძეს "ივანიშვილის მონა, უნამუსო" უწოდა, კობახიძემ კი მელიას - "ნაბიჭვარი".