სამშობლოს გადაბარება ვერ მოხდება, ბატონებო, გავწვებით - თაკო ჩარკვიანი

სამშობლო იღუპება ჩვენი. ცუდ დღეშია ეს ხალხი. რუსეთმა რომ გაგაბა ერთხელ ქსელში და გარიგება აწარმოე მასთან, იქიდან ვერ დაიძვრენ თავს, - განაცხადა "კანონი და სამართლის" ლიდერმა თაკო ჩარკვიანმა ტელეკომპანია „ფორმულას“ ეთერში.

მისი თქმით, დღეს ქვეყნის გადარჩენა არის დღევანდელი დასავლეთზე მომუშავე ოპოზიცია.

"რატომ? იმიტომ რომ დახვდება დასავლეთზე მომუშავე კოალიცია, რომელიც არ დაარღვევს კანონს და მათ სასტიკად არ გაუსწორდება. მათი გადარჩენა, დღევანდელი რუსეთზე მომუშავე ფეიკებისა თუ არაფეიკებისა, უნდა შეუშვან ტვინში, რომ არის დასავლეთზე მომუშავე ოპოზიცია. მე ვუსახავ მიზნად წაგებას „ქართულ ოცნებას“ და ვეუბნები, ვისაც ოდნავ ტვინი აქვს იქ, მათთან, რომ სამშობლოს გადაბარება ვერ მოხდება, ბატონებო, არ მოხდება, გავწვებით. ჩემნაირს ხო იპოვით კიდევ 100 კაცს? დამიჯერეთ, რომ იპოვით. კაცები ცხოვრობენ აქ, ვერ გადააბარებენ სამშობლოს. მაშ რა დარჩა? სისხლი უნდა დაღვარო შენი ძმის? იდიოტი ხარ, ყველა ვარიანტში", - თქვა ჩარკვიანმა.