ნიკა მელიას მხარს არ დავუჭერთ - ალეკო ელისაშვილი

„ნიკა მელიას მხარს არ დავუჭერთ და „ნაციონალურ მოძრაობასთან" არანაირ გაერთიანებებში და საერთო გეგმებში მონაწილეობას არ ვაპირებთ", აცხადებს "მოქალაქეებს" ერთ-ერთი ლიდერი ალეკო ელისაშვილი.

მისი თქმით, თუ კი "ნაციონალურ მოძრაობას" უნდოდა, ცოტა წინ გაეხედა, ნუ იქნებოდნენ ისეთი მოკლემხედველები, როგორებიც იყვნენ.

"ჩვენ ვეუბნებოდით ზუსტად ამას, რომ მოლაპარაკების მაგიდიდან წამოვიღოთ მაქსიმუმი, შევიდეთ პარლამენტში და იქ დავანთოთ ცეცხლი, დავორგანიზდეთ თბილისის მერობის საერთო კანდიდატზე, საერთო მაჟორიტარულ კანდიდატებზე და დავამარცხოთ „ ქართული ოცნება“ თვითმმართველობის არჩევნებშითქო. ყური არ გვიგდეს, მაგრამ ახლა იგივე ხდება და იგივე ხდება უკუღმა, ვართ დაშლილი ოპოზიცია, ვლანძღავთ ერთმანეთს და რა ნამუსით უნდა გვთხოვონ რომელიმე კანდიდატს მხარი დავუჭიროთ, მათ როგორ უნდა გვთხოვონ, ვინც 6 თვე გვლანძღავდნენ. არ არის ეს ბრაზი, ამ ხალხმა უნდა იცოდნენ ელემენტარული გათვლები და ის, რომ პოლიტიკაში ჩვენთვის ყველაფერი არ მოსულა“, - განაცხადა ელისაშვილმა.