თინა ხიდაშელმა პრეზიდენტის გამოსვლა დადებითად შეაფასა

თავდაცვის მინისტრმა პარლამენტში პრეზიდენტის გამოსვლა დადებითად შეაფასა. თინა ხიდაშელი იზიარებს პრეზიდენტის სიტყვებს  მედია თავისუფლებაზე. უკანონო მოსმენებზე კი მინისტრი მიიჩნევს, რომ ქვეყანას საკმაოდ კარგი კანონმდებლობა აქვს. 

„საქართველოს ჰყავს ხელისუფლება, პრემიერ-მინისტრი, პრეზიდენტი რომლებსაც ერთგვაროვანი ხედვა აქვთ იმის შესახებ, რომ ჩვენი ევროატლანტიკური ინტეგრაციის შეუქცევადობისთვის, საქართველოს თავდაცვისუნარიანობის გაძლიერებისთვის, ქვეყნის უსაფრთხოების უფრო მეტად სიმტკიცისთვის მნიშვნელოვანია, რომ საქართველო იყოს საერთაშორისო უსაფრთხოების მონაწილე,“- განაცხადა თინა ხიდაშელმა.