ჯოდი ფოსტერს კანის კინოფესტივალის საპატიო „ოქროს პალმის რტო“ გადაეცემა

საქართველო, თბილისი - 19:36 | 02.06.2021
ნანახია: 321

ჰოლივუდის მსახიობი და რეჟისორი ჯოდი ფოსტერი, ივლისში, კანის კინოფესტივალის საპატიო „ოქროს პალმის რტოს“ მიიღებს. ინფორმაციას ფესტივალის ორგანიზატორები ავრცელებენ.

აღნიშნულია, რომ ფოსტერი, 6 ივლისს ფესტივალის გახსნის ცერემონიის საპატიო სტუმარი იქნება. “ჯოდი  ფოსტერი მიიღებს ფესტივალის საპატიო ოქროს რტოს მისი ბრწყინვალე შემოქმედებითი გზის პატივისცემის ნიშნად, ასევე უნიკალური პირადი თვისებებისთვის, რომელიც დამახასიათებელია მისი, როგორც მოკრძალებული, მაგრამ მტკიცე გადაწყვეტილებების მქონე ადამიანისთვის, ჩვენი დროის ზოგიერთ საჭირბოროტო საკითხებში“, - ნათქვამია ფესტივალის გვერდზე გამოქვეყნებულ განცხადებაში.

მანამდე ამ ჯილდოს მფლობელები გახდნენ ცნობილი მსახიობები და რეჟისორები - ჟანე მორო, ჯეინ ფონდა, ჟან პოლ ბელმონდო, ბერნანდო ბერტოლუჩი, ალენ დელონი და სხვები.

კანში მსოფლიო კინოს ჩვენება წელს 6-17 ივლისს უნდა გაიმართოს. ფესტივალის ჟიურის, სპაიკ ლი უხელმძღვანელებს.




არქივი

მოგვძებნე Facebook-ზე