ამერიკელი მეცნიერები გვაფრთხილებენ უდიდესი კატასტროფის შესახებ, რომელიც დედამიწას ემუქრება

ამერიკელი მეცნიერები აცხადებენ, რომ ანტარქტიდაში ყინულების დნობა კითხვის ნიშნის ქვეშ დააყენებს ისეთი სანაპირო ქალაქების არსებობას, როგორებიცაა ნიუ იორკი და შანხაი. წერს Phys.org.

ტემპერატურის ზრდის გამო პლანეტაზე არქტიკული ყინულები დნობას იწყებს. ეს პირდაპირ ზეგავლენას ახდენს ადამიანთა სიცოცხლეზე. თუმცა კაცობრიობისთვის არანაკლებ საფრთხეს წარმოადგენს ანტარქიტიკაც. სპეციალისტები აღნიშნავენ, რომ ამ რეგიონში საკმარისია იმდენი ყინული, რომ გლობალური დათბობის შედეგად გამოიწვიოს მსოფლიო ოკეანის დონის 60 მეტრით გაზრდა.

“ჩვენ უკვე ვხედავთ ამ პრობლემის პირველ ნიშნებს“, - ნათქვამია გამოცემაში გამოქვეყნებულ სტატიაში.

ბოლო კვლევის შედეგად, ყინულების დნობა, შესაძლოა, გამოვიდეს კონტროლიდან მხოლოდ რამდენიმე ათწლეულში. ამასთან, მეცნიერებს მიაჩნიათ, რომ სათბურის აირების შემცირება და ტექნოლოგიური პროგრესი, სავარაუდოდ,  ხელს ვერ შეუშლის კატასტროფას.

სათბურის აირების გაფრქვევის ახლანდელი ტემპების შენარჩუნების შემთხვევაში ანტარქტიკული ყინულის საფარი დნობის კრიტიკულ ზღვარს სავარაუდოდ, 2060 წლისთვის გადააბიჯებს. სპეციალისტების თქმით, მსოფლიო ოკეანის დონის მომატება ისეთ მაჩვენებელს მიაღევს, რომელიც შეუქცევადი გახდება. დედამიწის ატომოსფეროს გაწმენდა ნახშირორჟანგისგან იმ მომენტისთვის ვერ შეაჩერებს ამ პროცესს და 2100 წლისთვის წყლის დონე ათჯერ უფრო სწრაფად გაიზრდება, ვიდრე დღეს.