მთავრობამ რიყის დოქები 23 მილიონით გააიაფა

მთავრობა რიყის დოქებს აუქციონზე ისევ ყიდის. ამჯერად, ფასი 23.7 მილიონი ლარით ნაკლებია და საწყისი ფასი 47,5 მლნ ლარს შეადგენს, ბიჯი კი 20 000 ლარია. ახალი აუქციონი 29 აპრილს დაიწყო და 17 მაისს დასრულდება.

მთავრობა ნაგებობის გაყიდვას აქამდე სამჯერ უშედეგოდ შეეცადა. პირველ აუქციონზე საწყისი ფასი 95 მილიონი ლარი იყო, მომდევნო ორზე კი ის 71 მილიონამდე შემცირდა.

სამხარაულის ექსპერტიზის ცენტრის მიერ კომპლექსი 95 მილიონ ლარადაა შეფასებული.
თბილისის ცენტრში მდებარე ნაგებობის მშენებლობის პროცესი 2013 წელს დასრულდა და ის დღემდე უფუნქციოდაა, მისი მშენებლობაზე 75 მილიონი ლარი დაიხარჯა.