საქართველო - ესპანეთის მატჩზე დამსწრეებისთვის, დღეს კომენდანტის საათი არ იმოქმედებს

დღეს, მსოფლიოს 2022 წლის ჩემპიონატის საკვალიფიკაციო ეტაპის ფარგლებში, საქართველოსა და ესპანეთის ნაკრებებს შორის თამაში გაიმართება. მათთვის, ვინც თამაშს სტადიონზე დაესწრება კომენდანტის საათი არ იმოქმედებს და 01:00 საათამდე, სახლამდე მისვლას დაუბრკოლებლად შეძლებენ.

ამასთან, 01:00 საათამდე დაშვებული იქნება მეტროსა და ავტობუსის მუშაობაც.

შესაბამისი გადაწყვეტილება საკოორდინაციო საბჭომ 18 მარტს მიიღო.

სტადიონზე მაყურებლების 30% იქნება დაშვებული, რაც "დინამო არენას" შემთხვევაში, დაახლოებით 17 ათასი მაყურებელია.

თამაში "დინამო არენაზე" 20 საათზე დაიწყება.