მოციგურავე ალინა ურუშაძემ ზამთრის ოლიმპიური თამაშების ლიცენზია მოიპოვა

შვედეთის დედაქალაქ სტოკჰოლმში „გლობალ არენაზე“ მიმდინარე მოციგურავეთა მსოფლიოს ჩემპიონატზე წარმატებით გამოვიდა 17 წლის ქართველი სპორტსმენი ალინა ურუშაძე. მან მოკლე და თავისუფალი პროგრამების ჯამში 169,01 ქულა მოაგროვა, მე-20 ადგილზე გავიდა და პეკინის ზამთრის ოლიმპიური თამაშების საგზური გაინაღდა.

საქართველოსთვის ეს ზამთრის 2022 წლის ოლიმპიური თამაშების პირველი ლიცენზიაა.