ელექტროგადამცემი ხაზის, „მესხეთის“ გამორთვის გამო თურქეთიდან ელექტროენერგიის იმპორტი შეწყდა, რის გამოც საქართველოს უმეტეს ნაწილს ენერგომომარაგება შეეზღუდა

საქართველოსა და თურქეთის ენერგოსისტემების დამაკავშირებელი 400 კვ-იანი ელექტროგადამცემი ხაზის „მესხეთი“ გამორთვის გამო, შეწყდა თურქეთიდან ელექტროენერგიის იმპორტი და ენერგომომარაგება შეეზღუდა ქვეყნის უმეტეს ნაწილს, – ამის შესახებ ნათქვამია სახელმწიფო ელექტროსისტემის განცხადებაში.

სახელმწიფო ელექტროსისტემის ცნობით, ამ ეტაპზე ხორციელდება მომხმარებლისთვის ელექტროენერგიის აღდგენა.

„საქართველოს სახელმწიფო ელექტროსისტემა” ბოდიშს უხდის მომხმარებელს შეფერხების გამო“, – აღნიშნულია ინფორმაციაში.