ეგვიპტეში ქრისტიანული მონასტრის ნანგრევები აღმოაჩინეს

საქართველო, თბილისი - 20:02 | 14.03.2021
ნანახია: 719

ეგვიპტის უდაბნოში აღმოაჩინეს სამი ქრისტიანული ეკლესიის ნანგრევები, რომელიც უძველესი მონასტრის ტერიტორიაზე მდებარეობდა. ნანგრევებს ნორვეგიელმა არქეოლოგებმა მიაკვლიეს.

ეკლესიების ნანგრევები და ბერების კელიები მეხუთე საუკუნეს მიეკუთვნება. აღმოჩენილია ბაზალტის ნაგებობები, ზოგიერთი შენობა კლდეშია გამოკვეთილი ან აგებულია თავისებური აგურით. ეკლესიების კედლებზე შემონახულია კოპტებისთვის დამახასიათებელი წარწერები. ეს აღმოჩენა იძლევა წარმოდგენას ეგვიპტეში ქრისტიანების მონაზვნური ყოველდღიური ცხოვრების შესახებ.

არექოლოგიური ექსპედიციის ხელმძღვანელის თქმით, კლდეში ნაკვეთი 19 ნაგებობა და ეკლესია ჯერ კიდევ 2020 წელს აღმოაჩინეს. კედლებზე გამოსახულია რელიგიური წარწერები და ბერძნულენოვანი ბიბლიიდან ამოღებული ციტატები, რომელიც მეხუთე საუკუნეს მიეკუთვნება.

ქაიროს სამხრეთ-დასავლეთით მდებარე უდაბნოს ამ ტერიტორიაზე მოსახლეობა IV-VIII საუკუნეებში დასახლდა.




არქივი

მოგვძებნე Facebook-ზე