კრწანისის რაიონის გამგებელმა კრწანისის ქუჩა N1-ში მიმდინარე კედლის მშენებლობის სამუშაოები დაათვალიერა

საქართველო, თბილისი - 15:48 | 21.01.2016

ნანახია: 1981

კრწანისის რაიონის გამგეობამ 2016 წლის ინფრასტრუქტურული პროექტების განხორციელება დაიწყო.

კრწანისის ქუჩაზე წლების განმავლობაში ავარიულ მდგომარეობაში მყოფი გრუნტის დამჭერი კედლის სამშენებლო სამუშაოები მიმდინარეობს. მშენებლობის პროცესი დღეს კრწანისის რაიონის გამგებელმა გიორგი კოპალეიშვილმა დაათვალიერა.

კრწანისის რაიონის გამგებლის განცხადებით, აუცილებელი იყო აღნიშნული კედლის სამშენებლო სამუშაოების უმოკლეს დროში დაწყება, რადგან კრწანისის ქუჩის მოსახლეობისთვის ეს გზა არის ქალაქის ცენტრთან დამაკავშირებელი ერთადერთი გზა. მშენებლობის დასრულების შემდეგ კედლის სიგრძე 150 მეტრი, ხოლო მაქსიმალური სიმაღლე 9 მეტრი იქნება.

პროექტი ახალი საყრდენი კედლის მოწყობას და საავტომობილო და საფეხმავლო გზის გაფართოებას ითვალისწინებს. სამუშაოები 2016 წლის ივნისში დასრულდება.