ევრობასკეტ 2022-ის საკვალიფიკაციო მატჩში საქართველომ ფინეთის ნაკრები 91:85 დაამარცხა

ფინეთის ქალაქ ესპოოში ევრობასკეტ 2022-ის საკვალიფიკაციო მატჩი გაიმართა, ილიას ზუროსის ნაკრები ფინეთს დაუპირისპირდა და 91:85 გაიმარჯვა. ეს საქართველოს ნაკრების მესამე გამარჯვებაა მესამე საკვალიფიკაციო მატჩში.

საქართველოს ნაკრებში საუკეთესო გიორგი შერმადინი იყო 27 ქულით და 10 მოხსნით (და მარგი ქმედების კოეფიციენტით - 33), თორნიკე შენგელიას ანგარიშზეა 19 ქულა და 8 მოხსნა. თად მაკფადენმა 14 ქულა ჩააგდო.

ამავე ჯგუფში შვეიცარიის ნაკრებმა მოულოდნელად, 92:90 დაამარცხა სერბეთის ნაკრები. 30 ნოემბერს საქართველოს ნაკრები სწორედ შვეიცარიას შეხვდება ესპოოში. კარგად ითამაშეს დებიუტანტებმა, ფევაძემ და ბაქრაძემ.