AstraZeneca კორონავირუსის ვაქცინის 3 მლრდ დოზის დამზადებას გეგმავს

ბრიტანული ფარმაცევტული კომპანია AstraZeneca ოქსფორდის უნივერსიტეტთან ერთად კორონავირუსის ვაქცინის 3 მლრდ დოზის დამზადებას გგემავს, რომელიც მთელ მსოფლიოშ ხელმისაწვდომი მომავალი წლის ბოლოსთვის იქნება.  

 „AstraZeneca-თან თანამშრომლობის შედეგად ვიმედოვნებთ ვაქცინის 3 მლრდ დოზის დამზადებას და მთელ მსოფლიოში ადამინებისთვის მომავალი წლის ბოლოსთვის მიწოდებას“- ნათქვამია ოქსფორდის უნივერსიტეტის Twitter.- ზე გამოქვეყნებულ ინფორმაციაში.

ორშაბათს მეცნიერებმა ოქსფორდის უნივერსიტეტისა და კომპანია AstraZeneca-ს მიერ შემუშავებული  ვაქცინის კლინიკური გამოცდის მესამე ფაზის შედეგები გამოაქვეყნეს. ოქსფორდის ვაქცინა ChAdOx1 nCoV-19 დამზადებულია ადენოვირუსის საფუძველზე.

სპეციალისტების განცხადებით,  ვაქცინა 70%-ით ეფექტიანია.

ცოტა ხნის წინ ფარმაცევტულმა კომპანიებმა Pfizer-მა და Moderna-მა განაცხადეს, რომ მათმა ვაქცინამ 95%-იანი ეფქტიანობა აჩვენა.