მსოფლიო ჯანდაცვის სისტემა კოლაფსის წერტილს მიუახლოვდა - ჯანმო

ჯანდაცვის მსოფლიო ორგანიზაცია შეშფოთებულია კორონავირუსის გავრცელების შემთხვევებით ევროპასა და ჩრდილოეთ და სამხრეთ ამერიკაში.

 „უკიდურესად შეშფოთებულები ვართ COVID-19-ის შეთხვევების აფეთქებებით ევროპასა და ამერიკის რეგიონში. ჯანდაცვის სისტემები კოლაფსის წერტილს მიუახლოვდნენ“, - აცხადებს ჯანდაცვის მსოფლიო ორგანიზაციის ხელმძღვანელი ტედროს ადჰანომ გებრეიესუსი.

ამასთან, გებრეიესუსი გამოთქვამს ფრთხილ ოპტიმიზმს სხვადასხვა ქვეყანაში შემუშავებული კორონავირუსის ვაქცინების ეფექტურობის შესახებ მიღებული ინფორმაციების გამო.

ასევე მიაჩნია, რომ კორონავირუსის პანდემიას მხოლოდ ვაქცინა ვერ შეაჩერებს და მას მხოლოდ მისი შეკავება შეუძლია.

"COVID-19-ის პანდემიის დასაწყისიდანვე ვიცოდით, რომ ვაქცინა აუცილებელია პანდემიის შეკავებისთვის. მაგრამ მნიშვნელოვანია ხაზი გავუსვათ, რომ ვაქცინა შეავსებს ჩვენს ხელთ არსებულ სხვა საშუალებებს და არ ჩაანაცვლებს მათ", - წერს "ტვიტერზე" გებრეიესუსი.