სომხეთი და აზერბაიჯანი ჰუმანიტარული ზავის დარღვევაში ერთმანეთს ადანაშაულებენ

სომხეთი და აზერბაიჯანი ჰუმანიტარულის ზავის დარღვევაში კვლავ ერთმანეთს ადანაშაულებენ.

სომხეთის თავდაცვის სამინისტროს პრესმდივნის შუშან სტეპანიანის განცხადებით, აზერბაიჯანის შეიარაღებული ძალები ინსტენსიურ საარტილერიო სროლას აწარმოებენ ყარაბაღის კონფლიქტის ზონაში სამხრეთის მიმართულებით.

 „ღამით კონფლიქტის ზონაში ვითარება სტაბილურად დაძაბული იყო. ამჟამად მოწინააღმდეგე აწარმოებს ინტენსიურ საარტილერიო სროლას სამხრეთ მიმართულებაზე“, - წერს სტეპანიანი „ფეისბუქზე“.

ამასთან, აზერბაიჯანის თავდაცვის სამინისტრო იტყობინება, რომ სომხეთის ძალებმა  დღეს დილით ცეცხლი გახსნეს აგდამის რაიონის მიმართულებით.

„სომხეთის შეიარაღებულმა ძალებმა 12 ოქტომბერს, დილით, დაბომბეს აგდამის რაიონი,“ - აღნიშნულია ინფორმაციაში.

მთიანი ყარაბაღის კონფლიქტის ზონაში ჰუმანიტარული მიზნებით ცეცხლის შეწყვეტაზე სომხეთი და აზერბაიჯანი 9 სექტემბერს, მოსკოვში შეთანხმდნენ. ორი ქვეყნის საგარეო საქმეთა მინისტრების, ზოგრაბ მნაცაკანიანის და ჯეიჰუნ ბაირამოვის მოლაპარაკებაში რუსეთის საგარეო საქმეთა მინისტრი სერგეი ლავროვი, მონაწილეობდა.  მიღწეული შეთანხმებით, 10 ოქტომბრის 12:00 საათიდან ამოქმედდა ცეცხლის შეწყვეტის რეჟიმი, მხარეების მიერ სამხედრო ტყვეებისა და დაღუპულთა ცხედრების გაცვლის მიზნით. საზავო რეჟიმის ამოქმედებიდან მალევე სომხეთმა და აზერბაიჯანმა ერთმანეთი შეთანხმების დარღვევაში დაადანაშაულეს.