კორონავირუსით გარდაცვლილ ორ პაციენტს ქუთაისის კლინიკაში მკურნალობდნენ

კორონავირუსით გარდაცვილი 2 პაციენტი ქუთაისის კლინიკა „ბომონდში" მკურნალობდნენ. როგორც კლინიკაში განმარტავენ, გარდაცვლილებს თანმდევი დაავადებები ჰქონდათ.

78 წლის ქალს ორმხრივ მწვანე პნევმონიასთან ერთად, აღენიშნებოდა ქრონიკული უკმარისობა, ჰიდროპერიკარდიუმი და ხორხის სიმსივნე.

72 წლის მამაკაცს, ორმხრივი პოლისეგმენტური პნევმონია, სუნთქვის მწვავე უკმარისობა, გულსისხლძარღვთა მწვავე უკმარისობა, კარდიომიოპათია და ორმხრივი ჰიდროთორაქსი აღენიშნებოდა.

პაციენტები კლინიკაში 15 და 16 სექტემბერს შეიყვანეს.

დღეს, საქართველოში კორონავირუსით ინფიცირების 453 ახალი შემთხვევა გამოვლინდა. კორონავირუსისგან განიკურნა კიდევ 295 პაციენტი. გამოჯანმრთელებულთა საერთო რიცხვი 3714-მდე გაიზარდა. გარდაიცვლა კიდევ ორი ადამიანი და მათი რაოდენობა 43-მდე გაიზარდა.