კორონავირუსის ახალი შემთხვევიდან 297 აჭარაში, 78 თბილისში, 52 კი იმერეთში გამოვლინდა

ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ ჟურნალისტებს განუცხადა, რომ დღეს გამოვლენილი შემთხვევებიდან 297 აჭარაში დაფიქსირდა, 78 თბილისში, 52 იმერეთში.

საქართველოში „კოვიდ-19“-ისგან გამოჯანმრთელებულთა პროცენტული მაჩვენებელი 52-ია.

„დღეისათვის ქვეყანაში ფიქსირდება კოვიდინვიფირების 7 093 შემთხვევა, მათ შორის გამოჯანმრთელებულების რაოდენობა 3 714-ია, რაც შეესაბამება 52 პროცენტს. ქვეყანაში კორონავირუსის 3 379 აქტიური შემთხვევაა. დღეს გამოვლენილი შემთხვევებიდან 297 აჭარაში გამოვლინდა, თბილისში – 78, იმერეთში – 52, სამეგრელო-ზემო სვანეთში, გურიასა და შიდა ქართლში ექვს-ექვსი შემთხვევა დაფიქსირდა, ქვემო ქართლსა და მცხეთა-მთიანეთში - ორ-ორი შემთხვევა, კახეთში – სამი, სამცხე-ჯავახეთში – ერთი“, – განაცხადა მარინა ენდელაძემ.