შაქარაშვილის საქმეზე ბრალდებულმა სამმა სრულწლოვანმა ნაფიც მსაჯულებზე უარი თქვა

გიორგი შაქარაშვილის საქმეზე ბრალდებულმა სამმა სრულწლოვანმა უარი თქვა, მათი საქმე ნაფიცმა მსაჯულებმა განიხილონ. ამის შესახებ ბრალდებულების ადვოკატებმა მცხეთის რაიონულ სასამართლოში მიმდინარე პროცესზე შესვენების დროს განაცხადეს.

შესაბამისად, არჩილ გაგნიძის, ნიკოლოზ რევაზიშილის და ვახტანგ ჩიქოვანის ბრალეულობის ან უდანაშაულობის შესახებ ვერდიქტს მოსამართლე გამოიტანს.

ასევე, მოსამართლემ უნდა მიიღოს გადაწყვეტილება ადვოკატების მიერ დაყენებულ შუამდგომლობაზე, რომლითაც ბრალდებულების დამცველები სისხლის სამართლებრივი დევნის შეწყვეტას ითხოვენ.

შაქარაშვილის საქმეზე განზრახ მკვლელობის მუხლით 5 პირია დაკავებული - 2 არასრულწლოვანი და 3 სრუწლოვანი.

კანონმდებლობის თანახმად, არასრუწლოვნების საქმეების განხილვა ნაფიცმსაჯულების ინსტიტუტს არ ითვალისწინებს.

შაქარაშვილის გარდაცვალების საქმეზე 17 ადამიანია დაკავებული. ხუთს გამოძიება დამამძიმებელ გარემოებებში ფეხბურთელის განზრახ მკვლელობას ედავება. არც ერთი მათგანი ბრალს არ აღიარებს.