ზღვის თევზი აფერხებს დაბერების პროცესს

ზღვის თევზის გამოყენება და ფიზკულტურით რეგულარული დაკავება გარკვეული ხარისხით აფერხებს დაბერების პროცესს და ამცირებს ზიანს, რომელსაც სტრესი აყენებს ორგანიზმს. ასეთია იმ კვლევის შედეგები, რომელიც ოჰაიოს უნივერსიტეტის მკვლევარებმა შეასრულეს.

ფიზიოლოგიური დაბერების პროცესს ახასიათებს დნმ-ის ფრაგმენტის (ტელომერის) შეკვეცა, რაც იწვევს გულის დაავადებას და ნაადრევ სიკვდილს. კვლევებით აღმოჩნდა, რომ ტელომერის სიგრძე გაცილებით დიდი აქვთ იმ ადამიანებს, რომელთა ორგანიზმში საკმაო რაოდენობითაა უჯერი ცხიმმჟავა ომეგა-3. ეს აიხსნება იმით, რომ ტელომერები ძალზე მგრძნობიარეები არიან ჟანგვითი პროცესების მიმართ, ხოლო მჟავა ომეგა-3, თვის მხრივ, ამცირებს ანთებას, რითაც აფერხებს უჯრედების დაბერებას.

ამგვარად, უჯრედების დაბერების თავიდან ასაცილებლად, რეკომენდებულია, კვირაში 2-3-ჯერ მივირთვათ ზღვის ცხიმიანი თევზი. ასევე, ადამიანის ორგანიზმზე სტრესის გავლენა შეიძლება შევამციროთ რეგულარული ფიზიკური ვარჯიშით.