დადგინდა, რომ კადრებში ნაჩვენები მოქალაქე ლუკა ლურსმანაშვილია - შსს შაქარაშვილის საქმეზე გავრცელებულ კადრებზე

შინაგან საქმეთა სამინისტროს ინფორმაციით, დადგენილია, რომ კადრებში ნაჩვენები მოქალაქე 1996 წელს დაბადებული, ხაშურში მცხოვრები ლუკა ლურსმანაშილია და იფორმაცია იმის შესახებ რომ არის ავთო ბილანიშილია, სიმართლეს არ შეესაბამება.

„საგამოძიებო მოქმედებების ფარგლებში დადგენილია, რომ კადრებში ნაჩვენები პიროვნება მიკრო ავტობუსით გადაადგილდებოდა ხაშურიდან თბილისის მიმართულებით.

აღნიშნული სატრანსპორტო საშუალება მოძრაობდა ქუთაისი თბილისის მიმართულებით.

ასევე, ერთ-ერთ მედია საშუალებაში გავრცელებული ინფორმაცია ხანძრის ხელოვნურად გაჩენის შესახებ არის მორიგი სიცრუე და მიზანმიმართულად საზოგადოების შეცდომაში შეყვანის მცდელობა. საგამოძიებო მოქმედებების შედეგად გამოვლინდა, რომ 4 ივლისს, არაგვის ხიდის მიმდებარე ტერიტორიაზე გაჩენილი ხანძარი მეტალის დამუშავებამ გამოიწვია. შესწავლილი ფაქტობრივი გარემოებებით დადგინდა, რომ 1980 წელს დაბადებული ლ.ყ. ჯართის შეგროვების მიზნით, ადგილზე მეტალს ამუშავებდა და დაადასტურა, რომ ამ პროცესში ბალახს მოეკიდა ცეცხლი. ფაქტზე გამოძიება საქართველოს სისხლის სამართლის კოდექსის 188-ე მუხლით მიმდინარეობს”, - ნათქვამია შსს-ის მიერ გავრცელებულ განცხადებაში