საქართველოში კორონავირუსით ინფიცირებულთა რაოდენობა 638-მდე გაიზარდა

საქართველო, თბილისი - 10:31 | 11.05.2020

ნანახია: 581

საქართველოში კორონავირუსით ინფიცირების 3 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდზე, stopcov.ge-ზე ცოტა ხნის წინ განახლდა.

ვებგვერდის ინფორმაციით, ამ დროისთვის საქართველოში კორონავირუსის 638 შემთხვევა არის დადასტურებული, მათ შორის გამოჯანმრთელდა 317 პაციენტი.

ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.

კორონავირუსის შედეგად ქვეყანაში 10 პაციენტი გარდაიცვალა.

კარანტინის რეჟიმში 4896 მოქალაქე იმყოფება, ხოლო სტაციონარში მეთვალყურეობის ქვეშ – 444.