აშშ-ში კორონავირუსით გარდაცვლილთა რაოდენობამ 70 ათასს გადააჭარბა

საქართველო, თბილისი - 22:35 | 05.05.2020

ნანახია: 795

შეერთებულ შტატებში კორონავირუსით გარდაცვლილთა რაოდენობამ 70 ათასს გადააჭარბა. მონაცემებს ჯონს ჰოპკინსის უნივერსიტეტი ავრცელებს.

უნივერსიტეტის მონაცემებით, ქვეყანაში COVID-19-ს 70 115 ადამიანი ემსხვერპლა. კორონავირუსით ინფიცირების შემთხვევათა რაოდენობა 1 181 885-ს შეადგენს, გამოჯანმრთელდა 187 ათასზე მეტი ადამიანი.

ბოლო მონაცემებით, მსოფლიოში კორონავირუსით ინფიცირებულთა რაოდენობამ 3 517 345.-ს მიაღწია. გარდაიცვალა 243 401 ადამიანი.