საყოველთაო კარანტინამდე შორს არ ვართ - დიმიტრი ხუნდაძე

თუ არ იქნა ადეკვატური ქცევა საზოგადოებისა და ეპიდვითარება გართულდა, რა თქმა უნდა, დადგება საკითხი საყოველთაო კარანტინის შემოღების, - ამის შესახებ პარლამენტის ჯანდაცვის კომიტეტის ხელმძღვანელმა, დიმიტრი ხუნდაძემ განაცხადა.

„შესაძლოა, თუ არ იქნა ადეკვატური ქცევა საზოგადოებისა და ეპიდვითარება გართულდა, რა თქმა უნდა, დადგება საკითხი საყოველთაო კარანტინის შემოღების. მინდა, გულწრფელად გითხრათ, რომ ამ ვითარებიდან საყოველთაო კარანტინამდე შორს არ ვართ. როცა გადაუდებელი საჭიროება დადგება მისი შემოღების, ჩვენ აუცილებლად შემოვიღებთ, მაგრამ ყველაფერი უნდა გავაკეთოთ ჩვენც და საზოგადოებამაც, რომ თავიდან ავიცილოთ მასიური გავრცელება. ამაზე გუნდი მსჯელობს. ეპიდვითარებაზე და საზოგადოების ადეკვატურ ქცევაზე არის დამოკიდებული გამოცხადება. თუ გავითვალისწინებთ მსოფლიოში ეპიდვითარებას და მით უმეტეს ევროპაში, სადაც დაბინძურების ხარისხი არის მაღალი, გავრცელების მაჩვენებლები მაღალია და სამწუხაროდ, ლეტალობისაც არის მზარდი, შესაძლოა, ამ სცენარებიდან და პრობლემებიდან გამომდინარე, უფრო ადრე დაგვჭირდეს საკარანტინო რეჟიმის შემოღება, ვიდრე ეს იქნება აღდგომა“, – განაცხადა დეპუტატმა, დიმიტრი ხუნდაძემ.