კორონავირუსი საქართველოს მოსახლეობის 80% -ში წავა სრულიად უსიმპტომოდ - მაია ბუწაშვილი

წინა პანდემია გვქონდა 2009 წელს და მსოფლიო მოსახლეობის 10-დან 20%-მდე მოიცვა. კორონავირუსს საკმაოდ ეფექტური გავრცელება ახასიათებს, ამიტომ მინიმუმ ზედა ზღვარი უნდა ავიღოთ წინა პანდემიის სახელმძღვანელო ვერსიად, მაგალითად 20%, - ამის შესახებ ინფექციონისტმა, მაია ბუწაშვილმა „ქრონიკასთან“ განაცხადა

„არ დაგვავიწყდეს, რომ საქართველო ალბათ გამონაკლისი არაფრით იქნება. ავადმყოფობა მოსახლეობის 80% -ში წავა სრულიად უსიმპტომოდ ან მსუბუქად, 20%-ში იქნება სიმპტომები, მაგრამ მათ შორის 5% იქნება კრიტიკული, სადაც მძიმე გართულებები გვექნება. გარდაუვალი ეტაპია, როდესაც ქვეყნის შიგნით გავრცელება დაიწყება, მაღალი ალბათობით შემდეგ დღეებში ჩვენ ამას უკვე უნდა ველოდოთ. შეიძლება, უკვე არის გადაცემა და ეს შემთხვევები ჯერ დაფიქსირებული არ გვაქვს, უკვე უნდა ვეძებოთ ქვეყნის შიგნით პოტენციური ინფიცირებულები“, - აღნიშნა ინფექციონისტმა.