ოლიმპიადაში მონაწილე არასრულწლოვან მსჯავრდებულებს ჯილდოები გადაეცათ
საქართველო, თბილისი - 12:23 | 31.12.2015 ნანახია: 1743სასჯელაღსრულებისა და პრობაციის მინისტრის პირველი მოადგილე თამარ ხულორდავა, შეფასებისა და გამოცდების ეროვნული ცენტრის ხელმძღვანელი მაია მიმინოშვილი და ორგანიზაცია „მოქალაქის“ აღმასრულებელი დირექტორი ნიკოლოზ ჩხეტიანი არასრულწლოვანთა N11 სარეაბილიტაციო დაწესებულებას ესტუმრნენ.
ორგანიზაცია “მოქალაქის“ და შეფასებისა და გამოცდების ეროვნული ცენტრის ხელმძღვანელებმა სამოქალაქო განათლების ოლიმპიადაში მონაწილე 12 მსჯავრდებულს სპეციალური ჯილდოები გადასცეს და ოლიმპიადაში მონაწილეობისთვის მადლობა გადაუხადეს.
სტუმრებმა დაწესებულების ბიბლიოთეკა, სპორტული მოედნები, საკლასო ოთახები და სახელოსნოები დაათვალიერეს, არასრულწლოვან მსჯავრდებულებს დამდეგი შობა-ახალი წელი მიულოცეს და საჩუქრები გადასცეს.
სასჯელაღსრულებისა და პრობაციის მინისტრის პირველი მოადგილის თამარ ხულორდავას განცხადებით, დაწესებულებაში მსჯავრდებულთა წარმატებული რესოციალიზაცია-რეაბილიტაციისთვის ყველანაირი პირობაა შექმნილი.
„დღეს არასრულწლოვან მსჯავრდებულებს ახალი წელი მივულოცეთ. ჩვენმა სტუმრებმა კი სამოქალაქო განათლების ოლიმპიადაში მონაწილე მსჯავრდებულები დააჯილდოვეს. თორმეტმა არასრულწლოვანმა მიიღო მონაწილეობა ამ ოლიმპიადაში და ძალიან გვიხარია, რომ მათ ასეთი აქტიურობა გამოიჩინეს. ძალიან მნიშვნელოვანია, რომ მათ ყველა მსგავსი ტიპის პროექტსა და პროგრამაში მონაწილეობის შესაძლებლობა ჰქონდეთ. ამ დაწესებულებაში მსჯავრდებულებს ძალიან კარგი შესაძლებლობა ეძლევათ, რომ განათლებაც მიიღონ, სპორტულ აქტივობებშიც ჩაერთონ და ხელობასაც დაეუფლონ. გარემო მათ რეაბილიტაციაზეა ორიენტირებული და დიდი იმედი და სურვილი გვაქვს, რომ აქედან გასული არასრულწლოვნები განაგრძნობენ ცხოვრებას, როგორც კანონმორჩილი მოქალაქეები“-განაცხადა თამარ ხულორდავამ.
დაწესებულებაში არსებულ პირობებზე გაამახვილა ყურადღება მაია მიმინოშვილმაც: „არასრულწლოვან მსჯავრდებულებს ყველანაირი პირობა აქვთ შექმნილი იმისათვის, რომ აქედან გასვლის შემდეგ წარმატებულად ჩაერთონ საზოგადოებრივ ცხოვრებაში. მეც და ბატონ ნიკოლოზსაც ძალიან დიდი სურვილი გვქონდა, რომ ოლიმპიადაში მონაწილე არასრულწლოვნები მათი მოტივაციისთვის დაგვესაჩუქრებინა და ზუსტად ისეთივე ჯილდოები გადაგვეცა მათთვის, რაც მეორე ეტაპზე გადასულმა 2 000-მა მონაწილემ მიიღო“.
ორგანიზაცია „მოქალაქის“ აღმასრულებელმა დირექტორმა ნიკოლოზ ჩხეტიანმა იმედი გამოთქვა, რომ მსჯავრდებულები მომავალშიც აქტიურად ჩაერთვებიან მსგავსი ტიპის ღონისძიებებში.
„ძალიან მოხარულები ვიყავით, როდესაც წელს თორმეტმა არასრულწლოვანმა მსჯავრდებულმა მოისურვა სამოქალაქო განათლების ოლიმპიადაში ჩართვა, ზოგიერთმა მათგანმა საკმაოდ მაღალი ქულებიც მიიღო. ძალიან კარგი პრეცედენტია მათი ამ ტიპის ოლიმპიადაში მონაწილეობა და გაგვიხარდება, თუ მომავალშიც ჩაერთვებიან ჩვენს აქტივობებში“ განაცხადა ნიკოლოზ ჩხეტიანმა.
ბოლო წლებში სასჯელის ალტერნატიული ზომის, პირობით ვადამდე გათავისუფლებისა და შეწყალების კომისიების აქტიური მუშაობის შედეგად, არასრულწლოვან მსჯავრდებულთა რაოდენობა მნიშვნელოვნად შემცირდა. N11 არასრულწლოვანთა სარეაბილიტაციო დაწესებულებაში ამჟამად 18 მსჯავრდებული იხდის სასჯელს.
დაწესებულებაში არასრულწლოვნებისთვის სკოლა, სპორტული მოედნები, კომპიუტერული კლასი და სახელოსნოებია ხელმისაწვდომი. მათი რესოციალიზაცია-რეაბილიტაციისთვის კი სხვადასხვა სახის პროგრამები ხორციელდება.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა