თავი ავარიდოთ მოგზაურობას, განსაკუთრებით მაღალდასენიანებულ ქვეყნებში - ამირან გამყრელიძე

თავი ავარიდოთ მოგზაურობას, განსაკუთრებით მაღალდასენიანებულ ქვეყნებშ ი-სამხრეთ კორეა, ჩინეთი, ირანი და იტალია. ეს არ არის აკრძალვა და არც გვაქვს ამის უფლება, მაგრამ სასურველია, შეიზღუდოს მოგზაურობა, - – ამის შესახებ დღეს გამართულ ბრიფინგზე დაავადებათა კონტროლის ცენტრის ხელმძღვანელმა, ამირან გამყრელიძემ განაცხადა.

მისი თქმით, საქართველოში მიმდინარე წლის 25 იანვრიდან დღემდე ახალი კორონავირუსის 171 შესაძლო შემთხვევა იყო გამოკვლეული, საიდანაც ვირუსი სამს დაუდასტურდა, რომელიც მსუბუქი კლინიკური სურათით მიმდინარეობს,

ამასთან, კარანტინში 97 ადამიანი იმყოფება, ინფექციური პროფილის კლინიკებში კი, არის 40 შესაძლო შემთხვევა.

„გამოსაკვლევად შემოსულია 14 ნიმუში და პასუხები დღის მეორე ნახევარში გახდება ცნობილი. ჩვენთან მზადყოფნის რეჟიმი გაძლიერებულია, გახანგრძლივდა სკოლის არდადეგები, თავშეყრის ღონისძიებები გაუქმდა, მიმდინარეობს სადეზინფექციო სამუშაოები“, – განაცხადა ამირან გამყრელიძემ.

„რეკომენდაციები რჩება იგივე: თავი ავარიდოთ მოგზაურობას, განსაკუთრებით მაღალდასენიანებულ ქვეყნებში – სამხრეთ კორეა, ჩინეთი, ირანი და იტალია. ეს არ არის აკრძალვა და არც გვაქვს ამის უფლება, მაგრამ სასურველია, შეიზღუდოს მოგზაურობა. ვინც ჩამოდიან მაღალდასნეულებული ქვეყნებიდან და აქვთ სიმპტომები, კლინიკაში გადაგვყავს თუ არა, საკარანტინე სივრცეში“, – აღნიშნა ამირან გამყრელიძემ.