ბრიტანეთი კორონავირუსის ვაქცინის შემუშავებისთვის 26 მლნ დოლარს გამოყოფს

საქართველო, თბილისი - 14:23 | 03.02.2020

ნანახია: 3340

დიდი ბრიტანეთი 26 მლნ დოლარს გამოყოფს კორონავირუსისა და სხვა დაავადებების ახალი ვაქცინის შემუშავებისთვის.

ამის შესახებ დიდი ბრიტანეთის მთავრობის ოფიციალურ განცხადებაშია ნათქვამი.

ნავარაუდევია, რომ თანხას გამოიყენებს ეპიდემიოლოგიური ინოვაციების კოალიცია (CEPI). გამომუშავებული ვაქცინის კლინიკური ცდების ეტაპზე ორგანიზაცია გადასვლას 4 თვის შემდეგ გეგმავს.

ქალაქ უხანში უცნობი პნევმონიის აფეთქების შესახებ ჩინეთის ხელისუფლებამ მსოფლიო ჯანდაცვის ორგანიზაციას დეკემბრის ბოლოს აცნობა. სპეციალისტებმა დაადგინეს, რომ დაავადების გამომწვევი კორონავირუსი 2019-nCoV იყო.

ბოლო მონაცემებით, ჩინეთში ეპიდემიას 361 ადამიანი ემსხვერპლა. დაავადებულთა რაოდენობა კი 17 ათასს გადასცდა. ჩინეთის საზღვრებს მიღმა დაავადება 20 ქვეყანაში 100 ადამიანს დაუდგინდა. ასვე დაფიქსირდა გარდაცვალების ერთი შემთხვევაც. მსოფლიო ჯანდაცვის ორგანიზაციამ ეპიდაფეთქება გლობალურ საფრთხედ აღიარა და საგანგებო მდგომარეობა გამოაცხადა.